السلام عليكم و رحمة الله و بركاته
صباح الخير يا شباب فريق بداية
كل عام و أنتم بخير
ثالث أيام العيد و آخره
أخبار الكحك و البسكويت و الترمس و الفول السوداني و الشيكولاتة
الواحد تعب من الأكل
طبعا الواحد قايم بدري و برده مفيش منافسة
لليوم الثالث على التوالي كدا هاتريك (زي لعيبة الكورة)
فين أيام الكورس هوا أنتم بقيتوا ما تصحوش بدري المفروض
بداية لينا بعد الكورس يلا إن شاء الله اللي جاي أحسن
بالنسبة للإيجابيات
الأولى
أنا طبعا جيت من برا امبارح و لقيت مفيش حد في البيت الجماعة كلهم كانوا عند جدتي
يعني الواحد قاعد لوحده في البيت
الفراخ و البط - أنا طلعتلهم الأكل مع أني بحس أنه موضوع تقيل عليا و مابحبوش لأن الواحد بيتبهدل لما يطلع ليهم (الفراخ و البط) بس الواحد افتكر حديث النبي - صلى الله عليه و سلم -
عن أبي هريرة -رضي الله تعالى عنه- قال: قال رسول الله صلى الله عليه وسلم:" بينما رجل يمشي بطريق اشتد عليه العطش، فوجد بئرا فنزل فيها فشرب، ثم خرج فإذا كلب يلهث يأكل الثرى من العطش، فقال الرجل: لقد بلغ هذا الكلب من العطش مثل الذي كان بلغ بي، فنزل البئر فملأ خفه ثم أمسكه بفيه، فسقى الكلب، فشكر الله له فغفر له، قالوا: يا رسول الله، وإن لنا في البهائم أجرا؟ فقال: نعم، في كل ذات كبد رطبة أجر" متفق عليه.

التانية
أنا مسافر النهاردة لطنطا علشان أزور زميلي اللي جاي من السفر من الإمارات