السلام عليكم
ازيك يا عبد الله واضح ان مافيش حد غيرك انهاردة
يا جماعة يا ريت ما تطنشوش على المشاركات
هستنى مشاركاتكو يا كسلانين
سلام

السلام عليكم يا شباب لأ ما أظنش إنه في حد كسلان يا فاطمة و صباح الخير يا عبده و متهيألي أهم حاجة نتكلم فيها في المشاركات هي إننا نكتب الإجابيات و أنا إنهارده قمت نشرت الغسيل لوالدتي و لمتلها واحد بدأت في المرحلة الثالثة في العادات السبع و وحشتوني وحشتوني وحشتوني يا أغلى من عيوني

السلام عليكم ياحلى شباب كسلان
هى ديه الامانه اللى سبوها لينا المدربين ماشي لما اشوفكوا
انا ايجابيتى يامحمد انى ساعد ماما فى تنفيض الشقة علشان العيد كل سنة وانتوا كلكوا طييبين

elsalam 3alikom..ya fre2 bedayh ..wishing you a happy eid and a wonderful time with your family

كل سنة وانتى طيبة يالهام انا زعلانه انى مافيش حد كتير بيعمل مشاركة
بس وحشتينى مووت ايه اخبار الاغنية

السلام عليكم
كل سنة و انتو طيبين يا جماعة أنا ايجابيتى انى ادبست تدبيسة تمام مع القطايف و تحضير الفطار لأن مامتى كانت خارجة
أشوفكو بكرة سلام

السلام عليكم ورحمة الله و بركاته
اولا كل سنة و انتوا طيبين
عندي احساس ان النهاردة اول يوم بعد التدريب مش امبارح يمكن علشان شوفت مستر مكروم و حبة من الفريق امبارح.بدات اطبق الكورس و بالنسبة للايجابيات انا سبت فاطمة تعمل القطايف لوحدها بس في حاجة ايجابية اني صحيت بدري ودى بالنسبالي حاجة ايجابية جدا لاني قبل كدة مكنتش بصحي قبل الساعة واحدة.
كل سنة و انتوا طيبين .

:السلام عليكم ورحمة الله وبركاته

كل سنة وانتوا طيبين عيد سعيد عليكوا ان شاء الله, وحشتوني اوووووووووووووووووووووووووووي يااحلة عيلة في الدنيا كلها عاملين ايه , عايزين نتابع المشاركات ياجماعة وماننساهاش انا بقي ايجابيتي انهارده اني ساعدت ماما في البيت في حاجات كتيييير وهي مبسوطة مني اوي الحمدلله ومش هنام الا لما اخلص كل اللي هي عايزاه , اما منال ياجماعة فهي عملت ايجابية كبييييييييييرة اوي انها كلمتني وانا كنت مخنوقة من حاجة وكان عندي طاقة سلبية جامدة وماكنتش عايزة اعمل حاجة وكنت تعبانة بس لما كلمتها خرجتني من الخنقة اللي كنت فيها واديتني طاقة ايجابية بطريقة غير طبيعية بجد وبقيت فرحانة جدا ومن بعدها نسيت الخنقة وحسيت اني عايزة اعمل حاجات كتير وقمت ساعدت ماما وعملتلها اللي هي عايزاه , وكمان عملت الاكل لبابا عشان ماما كانت مشغولة.. وبس ان شاء الله نتفق ونتقابل تالت يوم العيد لما نشوف ظروفنا ايه ونشوف بعض كلنا وحشتني اوي لمتنا مع بعض زي الاول , اشوفكوا علي خير ان شاء الله اتبسطوا بكرة بقي.. سلام يا عيلتي الجميلة بحبكوا اوي

متشكرة جدا ياندى وبطلى فضايح على النت احنا اخوات انا بس قدمت السبت لانك وراكى حد كتييييررررررررررر
ههه سلام احنا اخوات